Gefðu þér rými til að gefa eftir
Jóga Nidra er djúp slökunaraðferð sem vinnur beint með taugakerfið og innra ástand líkamans. Í stað þess að „reyna að slaka á“ fær líkaminn að færast sjálfkrafa úr ástandi streitu og viðbragðs yfir í ástand öryggis og endurheimtar.
Þegar við erum undir álagi er taugakerfið oft í stöðugri virkni – hugurinn á ferð, líkaminn spenntur og erfitt að slökkva á. Jóga Nidra hjálpar til við að hægja á þessum ferlum með því að leiða þig í ástand þar sem heilinn færist úr virkni (beta) yfir í rólegri heilabylgjur (alfa og theta). Þar opnast rými fyrir djúpa hvíld, úrvinnslu og endurnýjun.
Í þessu ástandi:
- Slakar líkaminn á á djúpan hátt
- Hugurinn verður rólegri og skýrari
- Taugakerfið jafnar sig og fær tækifæri til að endurhlaða
Þetta er ástæða þess að margir upplifa Jóga Nidra sem „dýpri en svefn“ – þó þú sért vakandi á einhvern hátt, fær líkaminn hvíld sem nær lengra en hefðbundin slökun.
Staður og stund
HEFST 28. APRÍL - 4 SKIPTI Á ÞRIÐJUDÖGUM
KL. 19.30 -20.20
TILVERAN - HEILSUSETUR
GARÐATORGI
Verð 16.000
Kaupa námskeið
Skrá mig og greiðaÁvinningur af Jóga Nidra
Regluleg iðkun Jóga Nidra getur haft djúpstæð áhrif á bæði líkamlega og andlega líðan.
Minnkar streitu og spennu
Jóga Nidra róar streitukerfið (sympatíska taugakerfið) og virkjar slökunarkerfið (parasympatíska kerfið). Þetta getur dregið úr langvarandi streitu, kvíða og spennu í líkamanum.
Bætir svefn og endurheimt
Margir finna að þeir eiga auðveldara með að sofna, sofa dýpra og vakna úthvíldari. Líkaminn lærir aftur hvernig á að fara í hvíldarástand.
Eykur orku og jafnvægi
Þegar líkaminn fær djúpa hvíld eykst orka, einbeiting og úthald í daglegu lífi. Þú færð meiri jafnvægi milli virkni og hvíldar.
Styður við tilfinningalega úrvinnslu
Í rólegu og öruggu ástandi fær hugurinn tækifæri til að vinna úr tilfinningum og upplifunum. Þetta getur aukið innri ró, seiglu og sjálfsskilning.
Dýpkar tengsl við sjálfan/n þig
Jóga Nidra skapar rými til að hlusta inn á við – án þrýstings eða kröfu. Með tímanum getur það styrkt innsæi, skýrleika og tengingu við eigin þarfir og gildi.
Fyrir marga verður þetta ekki bara slökun…
…heldur leið til að styrkja innra sambandið við sjálfan sig.
Að hægja á, hlusta og leyfa – í stað þess að gera meira, hraðar og betur.
Um kennarann
Hugrún Linda Guðmundsdóttir er félagsráðgjafi (MA), markþjálfi, handleiðari og jógakennari með víðtæka reynslu af streitustjórnun, núvitund og heilsueflingu.
Í starfi sínu sameinar hún vestræn vísindi og austræna visku – þar sem hún styðst við þekkingu úr sálfræði, taugavísindum og streiturannsóknum, ásamt djúpum og árþúsunda gömlum aðferðum úr jóga og hugleiðslu.
Hugrún hefur meðal annars þjálfun í:
- Mind Body Medicine frá Benson-Henry Institute (Stofnun tengd læknadeild Harvard)
- Núvitund (MBSR og MBCT)
- Jákvæðri sálfræði og markþjálfun
- Jóga Nidra, Kundalini jóga og hugleiðslu
Með þessari samþættu nálgun skapar hún öruggt og nærandi rými þar sem þátttakendur geta hægt á, tengst sjálfum sér og byggt upp meiri innri ró, styrk og jafnvægi.
Markmið hennar er að hjálpa fólki að finna leiðir sem virka í raunveruleikanum – ekki bara í kenningum, heldur í daglegu lífi.
