HEILSA OG STARFSORKA

Þú berð ábyrgð á mörgu. Hér færðu stuðning fyrir þig.

Persónulegt 8–10 vikna ferli fyrir fagfólk, stjórnendur og sjálfstætt starfandi sem finna að álagið er farið að ganga á orkuna og vilja taka stöðuna með faglegum stuðningi.

Stöðumat · 3 einkatímar · Rafrænt nám og æfingar

Við skoðum þínar aðstæður, greiðum úr því sem reynir á og mótum raunhæf næstu skref. Þú færð bæði persónuleg samtöl og fræðslu sem hjálpar þér að tengja innsýn við daglegt líf.

10 pláss með upphaf í september 2026. Heildarverð: 114.600 kr.

Hnappur: Ég vil kanna hvort þetta henti mér

Vinnudeginum er lokið. En vinnan heldur áfram í huganum.

Samtalið sem gekk illa. Ákvörðunin sem bíður. Verkefnin sem þú komst ekki yfir. Fólkið sem þarf á þér að halda.

Þú heldur áfram að sinna starfinu, leysa úr málum og vera til staðar fyrir aðra. En kannski finnurðu að það kostar meira en áður. Þolinmæðin minnkar, erfiðara verður að slaka á og lítið er eftir af orku fyrir þig og þína nánustu.

Þú veist að eitthvað þarf að breytast. Samt er erfitt að átta sig á hvar þú átt að byrja þegar dagurinn er þegar fullur.

Það getur hjálpað að fá einhvern með sér til að skoða stöðuna. Einhvern utan vinnustaðarins sem þú getur rætt við í trúnaði, speglað aðstæður með og fengið faglega leiðsögn frá.

Þú þarft ekki að hafa öll svörin áður en þú kemur. Við byrjum á því að taka stöðuna saman.

Skrá mig á námskeið

Rými til að skoða hvað þú þarft — og hvað þarf að breytast

Heilsa og starfsorka sameinar persónulega handleiðslu, fræðslu og hagnýta þjálfun yfir 8–10 vikur.

Í einkatímunum tengjum við vinnuna við það sem skiptir þig máli. Það geta verið mörk, krefjandi samskipti, mikil ábyrgð, þreyta eða sú tilfinning að vera alltaf að bregðast við þörfum annarra.

Við skoðum bæði eigin viðbrögð og aðstæðurnar sem þú stendur í. Hvað er á þínu valdi? Hvar þarftu stuðning? Hvað þarf að ræða eða endurskoða á vinnustaðnum?

Markmiðið er ekki að þú getir endalaust bætt á þig. Við vinnum að því að þú sjáir skýrar hvað er sjálfbært fyrir þig og hvaða breytingar geta stutt við heilsu þína og starfsorku.

Þetta gæti átt erindi við þig ef þú…

Sinnir fólki, þjónustu eða stjórnun og finnur að ábyrgðin fylgir þér heim.
Átt erfitt með að setja mörk eða upplifir samviskubit þegar þú reynir það.
Finnur fyrir þreytu og spennu og nærð ekki þeirri endurheimt sem þú þarft.
Vilt geta rætt við einhvern utan vinnustaðarins og fengið annað sjónarhorn.
Hefur lesið eða lært um streitu en þarft aðstoð við að tengja þekkinguna við eigin aðstæður.
Vilt bregðast við stöðunni núna og fá stuðning við næstu skref.

Ferlið er sérstaklega hugsað fyrir fólk sem er enn í vinnu. Þú þarft þó hvorki að vera stjórnandi né tilheyra ákveðinni fagstétt til að senda fyrirspurn.

Hvað getum við unnið að saman?

Skýrari sýn á álagið. Að þekkja eigin streitumerki og átta sig á hvað gengur á orkuna — og hvað styður við hana.

Mörkum sem hægt er að standa við. Að skýra ábyrgð, forgangsröðun og væntingar og finna orð og leiðir til að tjá eigin þarfir.

Meiri festu í krefjandi aðstæðum. Að skoða viðbrögð, samskipti og þau mál sem halda áfram að taka pláss eftir vinnu.

Endurheimt sem fær raunverulegt rými. Að finna æfingar og venjur sem passa inn í þitt líf og prófa þær á milli tíma.

Raunhæfum næstu skrefum. Að fara úr almennri tilfinningu um að eitthvað þurfi að breytast yfir í afmarkaða áætlun sem þú getur unnið eftir.

Áherslurnar ráðast af þínum þörfum. Árangur getur verið ólíkur eftir aðstæðum og þeim breytingum sem eru mögulegar.

Fá nánari upplýsingar

Þetta er innifalið

Þrír einkatímar með Hugrúnu Lindu

Þrír 55 mínútna tímar á stofu eða í fjarviðtali. Þú færð trúnaðarrými til að ræða þínar aðstæður, skoða áskoranir og móta leiðir áfram. Við nýtum samtölin til að tengja fræðsluna við það sem þú stendur í.

Stöðumat við upphaf og lok

Við skoðum líðan þína og stöðu í upphafi og tökum stöðuna aftur í lok ferlisins. Það gefur tækifæri til að ígrunda breytingar, hvað hefur reynst gagnlegt og hvað þú þarft áfram að huga að.

Fjórir rafrænir fyrirlestrar

Hver fyrirlestur er um 40–50 mínútur og þú horfir þegar þér hentar:

Streita, vinnustreita og kulnun:

streituviðbrögð, streituvaldar og að þekkja eigin merki um álag.

Streitustjórnun og seigla:

hagnýtar leiðir, mörk og bjargráð í daglegu lífi.

Persónuleg verkfærakista:

líkamleg, hugræn, tilfinningaleg og félagsleg bjargráð, meðal annars öndun, núvitund og Jóga Nidra.

Jákvæð sálfræði og vellíðan:

styrkleikar, hjálplegt hugarfar og þættir sem styðja við lífsgæði.

Verkefni og eftirfylgni

Hagnýt verkefni fylgja fræðslunni og hjálpa þér að skoða eigin aðstæður og prófa nýjar leiðir. Sjálfvirkir tölvupóstar leiða þig áfram í ferlinu með áminningum og verkefnum.

Átta leiddar Jóga Nidra-æfingar

Rafrænar djúpslökunaræfingar sem þú getur nýtt heima. Engin fyrri reynsla af jóga eða hugleiðslu er nauðsynleg.

Eins árs aðgangur að námsefni

Fyrirlestrar, verkefni og æfingar eru á lokuðu rafrænu svæði. Þú heldur aðgangi að efninu í eitt ár þótt persónulega ferlinu ljúki eftir 8–10 vikur.

Hvernig fer þetta fram?

Þú sendir fyrirspurn. Þú færð nánari upplýsingar um fyrirkomulagið og við könnum hvort þjónustan sé viðeigandi fyrir þig.
Við tökum stöðuna. Stöðumat og fyrsta samtal hjálpa okkur að skýra þarfir þínar og áherslur.
Þú prófar leiðir með stuðningi. Þú nýtir fræðslu og verkefni á milli einkatímanna. Í samtölunum skoðum við hvernig gengur og hvað þarf að aðlaga.
Við metum næstu skref. Undir lok ferlisins skoðum við stöðuna aftur og mótum áætlun til áframhalds. Rafræna efnið er áfram aðgengilegt út aðgangstímann.

Ég þekki ábyrgðina líka úr eigin rekstri

Ég heiti Hugrún Linda Guðmundsdóttir. Ég hef rekið fyrirtæki, starfað sjálfstætt og sinnt mannauðsmálum. Ég þekki hvað það skiptir miklu máli að geta rætt við einhvern, speglað eigin aðstæður og fengið stuðning þegar ábyrgðin er mikil.

Ég er félagsráðgjafi MA með starfsréttindi frá Landlækni. Ég hef lokið diplómanámi í faglegri handleiðslu, mannauðsstjórnun og jákvæðri sálfræði, auk náms í markþjálfun. Ég hef einnig sérhæft mig í streitustjórnun, seigluþjálfun og núvitund og er Jóga Nidra-kennari.

Síðustu 15 ár hef ég starfað sem úrræðaaðili fyrir VIRK og stutt fólk sem hefur þurft að taka á álagi og heilsubresti. Ég hef einnig starfað í geðheilsuteymi og sinni handleiðslu fagfólks og stjórnenda, meðal annars í félagsþjónustu og menntageiranum.

Þessi reynsla hefur styrkt sannfæringu mína um mikilvægi þess að stuðningur sé aðgengilegur fyrr.

Þegar fólk er enn að sinna starfinu en finnur að það gengur sífellt meira á eigin orku getur verið verðmætt að fá rými til að taka stöðuna. Skoða hvað þarf að breytast og fá stuðning við að stíga þau skref.

Það er hugsunin að baki Heilsu og starfsorku. Ég legg áherslu á virðingu, trúnað og samstarf þar sem þínar aðstæður eru útgangspunkturinn.

Pláss fyrir þig í september

Heilsa og starfsorka — 8–10 vikna persónulegt stuðningsferli

Þrír einkatímar, 55 mínútur hver.
Stöðumat við upphaf og lok.
Rafrænir fyrirlestrar, verkefni og sjálfvirkir eftirfylgnipóstar.
Átta Jóga Nidra-æfingar og eins árs aðgangur að námsefninu.

Heildarverð: 114.600 kr.

Boðið er upp á 10 pláss með upphaf í september 2026.

Einkatímar fara fram í Heilsuvernd, Urðarhvarfi 14 í Kópavogi, eða í fjarviðtali.

Fyrirspurn felur ekki í sér skuldbindingu um kaup. Ekki þarf að senda ítarlegar upplýsingar um heilsu eða vinnustað í fyrstu fyrirspurn.

Ég vil kanna hvort þetta henti mér

Ertu með spurningu eða vantar aðstoð?

HAFÐU SAMBAND

Ertu með spurningar eða viltu skrá þig?
Sendu mér skilaboð í formið hér að neðan og ég svara eins fljótt og auðið er..

Ég reyni að svara eins fljótt og auðið er.